அத்தியாயம் 38

“காதல் எனும் மந்திரவாதியின் மந்திர வித்தைகளுக்குத் தப்பிப் பிழைத்தவர்கள் வெகு சிலரே. மனிதர்களின் இளமைப்பருவத்தை வண்ணமயமாக்கும் காதல் நரை கூடிய முதுமையில் அனைவரும் விலகிய பிறகும் உனக்காக நான் இருக்கிறேன் என்ற நம்பிக்கையைக் கொடுக்கும். காதலின் அற்புதத்தை உணராதவர்கள் வெறுமையான வாழ்க்கையையே வாழ்கிறார்கள்”

                            -Albatross @ சாத்வியின் மேனுஸ்க்ரிப்டிலிருந்து…

இருவரையும் தடுமாற வைத்து குளிப்பாட்டிவிட்டு கரையைத் தீண்டிய மகிழ்ச்சியோடு மீண்டும் கடலுக்குள் அடைக்கலம் தேடி ஓடிவிட்டது பேரலை ஒன்று.

அப்போது காவலர்கள் சிலர் அலையில் விளையாடிக் கொண்டிருந்தவர்களைத் திட்டி கரைக்குச் செல்லும்படி விரட்டிக் கொண்டிருந்தனர்.

அவர்களின் பார்வையில் பெரிய அலையில் சிக்கி மீண்ட இஷானும் சாத்வியும் பட்டுவிட இருவரை நோக்கி வந்தனர்.

இஷானின் முகக்கவசம் அவனை யாரென அடையாளம் காட்டவில்லை.

PDF போடாதீர்கள்! Ghost writers, கதைக்கருவைத் திருடாதீர்கள்!

அவர்களில் ஒருவர் சாத்வியைத் திட்ட ஆரம்பித்தார்.

“பீச்சுக்கு வந்திங்கனா கடல் காத்தை வாங்கிட்டு வீட்டுக்குப் போங்கம்மா… அலைக்குள்ள மாட்டி எங்க தாலிய ஏன் அறுக்கிறிங்க?”

சமீபத்தில் கடல் அலைகளில் சிக்கி மரணமடைபவர்களின் எண்ணிக்கை அதிகரித்து வருவதால் காவல்துறையினரின் கெடுபிடி அங்கே கொஞ்சம் அதிகரித்திருந்தது.

“சாரி சார்”

சாத்வி தன்மையாக மன்னிப்பு கேட்டாள். காதலைச் சொன்ன தினத்திலேயே பிரச்சனை வேண்டாம் என்ற எண்ணம்.

“சாரியாம் சாரி… லவ் பண்ணுனா அறிவை அடகு வச்சிடுவிங்க போல… காதலுக்கு கண்ணு தான இல்ல, அறிவுமா இருக்காது?”

எரிச்சலுடன் முணுமுணுத்தார் இன்னொரு காவலர்.

இந்த தனிமனித விமர்சனம் தேவையற்றது என்பதால் சாத்விக்குக் கோபம் வந்துவிட்டது.

“நாங்க விளையாட்டு ஆர்வத்துல கடலுக்குள்ள வந்தது தப்பு தான்… அதுக்கு நான் மன்னிப்பு கேட்டதுக்கு அப்புறம் தேவையில்லாம ஏன் வார்த்தைய விடுறிங்க சார்? எங்களை வார்ன் பண்ண வேண்டியது உங்க கடமை… இப்பிடி எங்களை விமர்சனம் பண்ணுறதுக்கு உங்களுக்கு என்ன உரிமை இருக்கு?”

கிழக்கு கடற்கரை சாலை சம்பவத்துக்குப் பிறகு காவல்துறை மீதான மதிப்பு சரிந்திருந்தது சாத்விக்கு. எனவே வார்த்தைகளும் சூடாக வந்து விழுந்தன.

காவலர்களிடம் சாதாரண குடிமகள் இப்படி பேசினால் அவர்கள் விடுவார்களா? கோபத்தோடு அவர்களில் ஒருவர் அவளைத் திட்ட வர சாத்வியை மறைத்தபடி முன்னே வந்து நின்றான் இஷான்.

 “பப்ளிக்ல பிரச்சனை பண்ணுறிங்களா ரெண்டு பேரும்? நடங்க… ஸ்டேசன்ல உக்கார வச்சா தான் உங்களை மாதிரி ஆளுங்களுக்குப் புத்தி வரும்” என்று ரோந்து வந்த வாகனத்தைக் காட்டினார் ஒரு காவலர்.

சாத்வி அதில் மிரண்டு போய் இஷானின் முதுகில் ஒட்டிக்கொண்டாள். அனிச்சையாய் அவளது கரங்கள் அவனுடைய டீசர்ட்டை இறுக்கமாகப் பற்றி அவளது பதற்றத்தை புரியவைத்தது.

காயத்ரியை நினைத்துப் பயப்படுகிறாள் போல!

இஷான் வேகமாக அணிந்திருந்த முகக்கவசத்தைக் கழற்றினான்.

அங்கிருந்த காவலர்கள் அவன் யாரென அறிந்ததும் கொஞ்சம் பின்னடைந்தனர்.

“எங்க போறிங்க சார்? வாங்க எங்களை அரெஸ்ட் பண்ணி ஸ்டேசனுக்குக் கூட்டிட்டுப் போங்க”

கைகளை கைது செய்வதற்காக நீட்டினான் இஷான்.

அவனது முதுகுக்குள் புதைந்து விடுபவளைப் போல நின்ற சாத்விக்குத் தூக்கிவாரிப் போட்டது.

“அவங்க சைலண்ட் ஆனாலும் நீ சும்மா இருக்கமாட்ட போலயே”

கடுகடுப்பான அவளது குரல் செவியில் விழுந்தாலும் இஷான் அதை கேட்க வேண்டுமே!

காவலர்களில் ஒருவர் “தெரியாம பேசிட்டார் சார்… நீங்க ஒரு செலிப்ரிட்டி… மத்தவங்களை விட உங்களுக்கு சோஷியல் ரெஸ்பான்சிலிபிட்டி இருக்கு… நீங்களே இப்பிடி கவனக்குறைவா இருந்தா எப்பிடி சார்? இனிமே இந்த மாதிரி நடந்துக்காதிங்க” என்று தன்மையாகப் பேச

“அதுக்குத் தான் சாரி கேட்டாச்சே சார்… மறுபடி எங்களை குத்திக் காட்டுற மாதிரி பேசுனது தப்பு தானே… செலிப்ரிட்டியா இருக்கப் போய் நீங்க நிதானமா பேசுறிங்க… ஜென்ரல் பப்ளிக்கா இருந்தா இந்நேரம் பேட்ரோல் வண்டில ஏத்தி ஸ்டேசனுக்குக் கூட்டிட்டுப் போயிருப்பிங்கல்ல?” என்றான் இஷான்.

“சாரி சார்… இனிமே இப்பிடி நடக்காது”

காவலர்கள் மன்னிப்பு வேண்டிவிட்டுக் கிளம்பிவிட இஷானின் பின்னே நின்ற சாத்வி அவனெதிரே வந்து நின்று முறைத்தாள்.

“விட்டா நீயே கையில ஹேண்ட்கஃப் மாட்டிக்கிட்டு கிளம்பிடுவ போல?”

இஷான் அவளது முகமருகே குனிந்து நாசியில் தனது ஆட்காட்டி விரலால் கிண்டலாகத் தட்டினான்.

“இவ்ளோ டைட்டா நீ ஹக் பண்ணுவேன்னா இன்னும் நாலு பஞ்ச் டயலாக் கூட பேசலாம்… ரெண்டு நிமிசமா இருந்தாலும் சொர்க்கத்துல இருந்த ஃபீல்”

கண்ணை மூடிச் சிலாகித்தவனின் பேச்சில் சிவக்கத் துடித்த வதனத்தைக் கட்டுப்படுத்தி கோபத்தை அதில் பூசிக்கொண்டாள் சாத்வி.

“எனக்கு எவ்ளோ பயமா இருந்துச்சு தெரியுமா? போடா”

தலையைச் சிலுப்பியவள் அவனது அணைப்புக்குள் அடங்காமல் முரண்டு பிடித்தாள்.

“மேடம்கு அம்மாவை நினைச்சு பயம்… என்னைப் பத்தி யோசிக்கலல்ல… அவங்க கிட்ட உனக்காக சண்டை போட்டிருக்கேன்… நீ என்னடானா என்னைத் திட்டுற”

அவன் சோகத்தில் சுணங்கவும் சாத்விக்குப் பரிதாபமானது. எனக்காக பொதுவெளியில் தன்னை வெளிப்படுத்திக் கொண்டவனை கொஞ்சம் அதிகமாக திட்டிவிட்டேனோ?

உடனே செவிமடல்களைப் பிடித்து மன்னிப்பு வேண்டினாள்.

“சாரி”

“இந்த சாரி பூரிய நீயே வச்சுக்க… நீ ப்ரபோஸ் பண்ணுன அழகுல ஆல்ரெடி ஐ அம் ஹெவிலி டிஸ்ஸப்பாயிண்டட்… இதுக்குலாம் பரிகாரமா கிஸ் பண்ண மாட்டனு தெரியும்… அட்லீஸ்ட் கன்னத்துல சின்னதா ஒரு பெக் குடு”

‘பெக்’ என்பது இதழ்களால் மென்மையாக வருடுவது போன்ற இதழொற்றல்.

கிடைத்தது சாக்கு என்று தாடையைத் தொட்டுக் காட்டினான் இஷான். ஜெர்மனியில் இளம்பெண்ணொருத்தி இதழை ஒற்றி எடுத்ததை எடுத்துக்காட்டாக வேறு அவளிடம் கூறினான்.

“உனக்கு எது தெரியுதோ இல்லையோ கிஸ் பத்தி நல்லா தெரிஞ்சிருக்கு மேன்”

“நீ எனக்கு கிங் ஆப் கிஸ்சஸ்னு பட்டமே குடுத்திருக்க… இவ்ளோ நாலெட்ஜ் கூட இல்லனா அந்தப் பட்டத்துக்கு அசிங்கம் சாத்வி”

“அஹான்”

டீசர்ட்டோடு சேர்த்து இழுத்து அவனது தாடையைப் பற்றி அழுத்தமாகவே முத்தமிட்டாள் சாத்வி.

“ஐ லவ் யூ அண்ட் தேங்க்யூ”

இஷான் தடுமாறி மயங்குபவனைப் போல தள்ளாடினான். சாத்வி அவனைப் பிடித்துக்கொள்ள இடையை அணைத்தவன் இன்னொரு கரத்தால் இடப்பக்க மார்பைத் தட்டிவிட்டுக் கொண்டான்.

“போதும்டா ஹார்ட்டி போதும்… இதுக்கு மேல கேட்டா சாத்வி தன்னோட சாத்வீகத்தைத் தொலைச்சிடுவா”

சமாதானப்படுத்துவது போல தனது இடப்பக்க மார்பின் பக்கமாக குனிந்து அவன் பேச சாத்வி வினோதமாகப் பார்த்தபடி அவனுடைய முகக்கவசத்தைப் போட்டுவிட்டாள்.

அவன் விடாமல் மீண்டும் அவ்வாறே பேசினான்.

“ச்சூ… சும்மா இரு ஹார்ட்டி… என் நல்ல நேரம், பெக் கேட்டதுக்குக் கிஸ் கிடைச்சிருக்கு… நீ சொன்னதை கேட்டா ஸ்லாப் தான் கிடைக்கும் கன்னத்துல”

“சார் ஹார்ட் கிட்ட என்ன பேசுறிங்கனு தெரிஞ்சிக்கலாமா?”

 நடந்தபடி வினவினாள் அவள்.

“அது ஒன்னுமில்ல… கன்னத்துல பெக் வேணும்னு கேட்டதுக்கு பச்சக்குனு கிஸ் குடுத்தல்ல, அதே மாதிரி லிப்ல பெக் வேணும்னு கேக்கணுமாம்… அப்ப தான் நீ ஃப்ரெஞ்ச் கிஸ் குடுப்பனு சொல்லுது இந்த பேட் ஹார்ட்டி… பட் நீ அதுக்குலாம் ஒத்துக்க மாட்டனு நான் அதை சமாதானப்படுத்திட்டிருக்கேன் சாத்வி”

சாத்வி நடப்பதை நிறுத்திவிட்டு இஷானின் முகம் வழித்து திருஷ்டி கழித்தாள்.

“என் அழகு செல்லம், அறிவுக்கொழுந்து… நான் சொல்லாமலே என் மனசை புரிஞ்சிக்கிட்ட மியூசிக் மேஸ்ட்ரோ… சாத்வி ரொம்ப ஸ்ட்ரிக்டான லவ்வர்னு உன்னோட ஸ்பாயில்ட் ஹார்ட்டி கிட்ட சொல்லிடு”

சொல்லிவிட்டுக் கமுக்கமாகச் சிரித்தவாறு காரும் ஸ்கூட்டியும் நிறுத்தி வைக்கப்பட்டிருந்த சாலையை நோக்கி செல்ல அவளைச் சோகவயப்பட்டவனாகத் தொடர்ந்தான் இஷான்.