Unfiltered by Nithya – இங்க எனக்குத் தெரிஞ்ச விசயங்கள், கருத்துகளை நான் ஷேர் பண்ணப்போறேன் மக்களே. உங்களோட கருத்துகளைச் பகிரலாம். அல்லது வழக்கம் போல அமைதியா போகலாம்! ஆனா இதுல சொன்ன விசயங்களை மறந்துடாதிங்க.

இன்னைக்கு எனக்கு ஷேர் பண்ணனும்னு தோணுன டாபிக் ‘ஸ்கின்கேர்’. இன்னைக்கு பணம் கொழிக்குற பிசினஸ் இதுதான். அங்க அங்க ஸ்கின்கேர் ப்ராண்ட் முளைக்குது. ஆர்கானிக், ஆயுர்வேதிக், கெமிக்கல்னு ஒவ்வொன்னும் ஒவ்வொரு ரகம்.

ஸ்கின்கேர்னு சொன்னதும் மஞ்சளும் கடலைமாவும் நிறைய பேருக்கு ஞாபகம் வரும். நானும் யூஸ் பண்ணிருக்கேன் அதெல்லாம், பெருசா எந்தப் பலனுமில்ல. மஞ்சள் பூசி வெயில்ல போய் மூஞ்சி இன்னமும் டேன் ஆனதுதான் மிச்சம். கடலைமாவு ஸ்கின்னை சாப்ட் ஆக்கும். அவ்ளோதான்… மத்தபடி ஹோம் ரெமடீஸ்கும் எனக்கும் ஏழாம் பொருத்தம். நம்ம ஸ்கின்னுக்கு நல்லதுனு நினைக்குற ஹோம் ரெமடீஸ் நிஜமாவே நல்லதுதானா? பாத்துடலாமா?

• லெமன் ஜூஸ் – பிம்பிள் வராது, ஸ்கின் கலர் ஆகும்.

உண்மை :

லெமன் ஜூஸ்ல விட்டமின் சி உண்டு. அது ஸ்கின் கலரை வெளுப்பாக்கும்ங்கிறது உண்மைதான். ஆனா அதோட பி.ஹெச் வேல்யூ ஸ்கின்னோட பி.ஹெச்சுக்கு ரொம்ப அதிகம். அதுல ஆசிட் தன்மையும் அதிகம். அதிகமா லெமன் ஜூஸ் முகத்துல போட்டா தோளோட மேல் பகுதியான பேரியர் கடுமையா பாதிக்கப்படும். ஸ்கின் பேரியர் டேமேஜ் ஆச்சுனா முகத்துல கரும்புள்ளி, அங்க அங்க திட்டு திட்டா கருப்பாகுறது எல்லாம் நடக்கும்.  அதுக்கு பதிலா அந்த லெமனை ஜூஸ் போட்டு குடிச்சா நல்லது. முகத்துக்கு போடக்கூடாது.

• சோடா உப்பு / பேக்கிங் சோடா - முகத்தை க்ளீன் ஆக்கும், ஆக்னே வராம தடுக்கும்.

உண்மை:

சோடா  உப்பு ஒரு காரம் (ஆல்கலைன்). அதை முகத்துல போட்டா உங்க ஸ்கின்னோட இயற்கையான பி.ஹெச்சை மாத்திடும். முகத்துல இயல்பா சுரக்குற எண்ணெய்யைச் சுத்தமா துடைச்சு எடுத்துடும். அதனால ஸ்கின் ரொம்ப வறண்டு போகும். ஸ்கின்ல எரிச்சல், வீக்கம் எல்லாம் வந்து பிம்பிள்ஸ், ஆக்னே வரக் காரணமாகிடும்.

• டூத்பேஸ்ட் – இதைப் போட்டா முகப்பரு போயிடும்.

உண்மை:

டூத்பேஸ்ட்ல பேக்கிங் சோடா, ஹைட்ரஜன் பெராக்சைடு, ஆல்கஹால் எல்லாம் உண்டு. இது உங்க முகப்பருவை தற்காலிகமா மறைய வைக்கும். ஆனா பரு போனதும் அந்த இடத்துல கருப்புத்திட்டு உருவாக்கும். சில நேரம் தழும்பும் உண்டாக்கும்.

• சுடுதண்ணி வச்சு ஆவி பிடிச்சா முகத்துல உள்ள துளைகள் (போர்ஸ்) ஓப்பன் ஆகும். குளிர்ந்த தண்ணி அந்த போர்ஸை மூடும்.

உண்மை:

போர்ஸ்ல எந்த தசையும் மூடவோ திறக்கவோ இருக்காது. மிதமானச் சூட்டில் இருக்குற சுடுதண்ணி முகத்துல இருக்குற அழுக்கு, தூசியை க்ளீண் பண்ணும். ஆனா அதிகமான சூடு உள்ள தண்ணியால முகம் கழுவுனா ஸ்கின் வறண்டு போகும். குளிர்ந்த தண்ணி / ஐஸ் போட்ட தண்ணியால முகம் கழுவுறப்ப முகத்துல உள்ள இரத்தக்குழாய்கள் சுருங்கும். அதனால போர்ஸ் சின்னதான மாதிரி நமக்குத் தோணும். உண்மையாவே போர்ஸ் அளவு மாறாது.

இதோட இந்த எபிசோட் ஓவர். அடுத்த எபிசோட் எப்ப போடலாம்? அடுத்த சனிகிழமை? யோசிக்குறேன். எல்லாருக்கும் வீக்கெண்டை என்ஜாய் பண்ணுங்க. நாளைக்கு பூபாலன் – வான்மதிக்கு லீவ். குட் நைட் ஸ்வீட் ட்ரீம்ஸ் 🖐️ 

 

Share your Reaction