Relative Deprivation – ஒப்பீட்டுத் தாழ்வுணர்வு

இதை பத்தி ரீசண்டா படிக்க நேர்ந்துச்சு. இன்னைக்கு Unfiltered by nithya பகுதில அதை பத்தி பாக்கலாமா?

 மியூசிக் டைரக்டர் சாம் சி.எஸ் இண்டர்வியூ எத்தனை பேர் பாத்திருக்கிங்க? அவரோட இண்டர்வியூல தவறாம அவர் சொல்லுற வார்த்தை ‘நான் இத்தனை படம் மியூசிக் பண்ணிருக்கேன். ஆனா இன்னும் எனக்கான பேரும் புகழும் எனக்குக் கிடைக்கல”.

அதே மியூசிக் இண்டஸ்ட்ரில தலைவலிய உண்டாக்குற மாதிரி பாட்டு போடுற எம்.டிக்கள் பி.ஆர் மூலமா கோலோச்சுறதால மனம் பொருக்காம சாம் சி.எஸ் அடிக்கடி இப்பிடி இண்டர்வியூல புலம்புவாப்ல. அதுக்கு கமெண்ட்ல நம்மாளுங்க ‘வந்துட்டான்யா புலம்பல் கேஸ்’னு அவரைக் கலாய்ப்பாங்க. சிலர் அவருக்கு அனிருத், சாய் பாத்து பொறாமைனு சொல்லுவாங்க.

ஆக்சுவலி அது பொறாமை இல்ல மக்களே! அதுதான் Relative Deprivation.

ரொம்ப சிம்பிளா சொல்லணும்னா, "மத்தவங்களோட நம்மள ஒப்பிட்டுப் பார்த்து, நமக்கு கிடைக்காத ஒரு விஷயத்துக்காகவோ, இல்ல நம்மகிட்ட குறைவா இருக்குற ஒரு விஷயத்துக்காகவோ நம்ம ஃபீல் பண்றது." இதுதான்.

இதை நீங்க சாதாரணமா பேசுற மாதிரி சொல்லணும்னா:

"அடேங்கப்பா, என் கூட படிச்சவன் எல்லாம் இப்போ பெரிய கம்பெனில லட்சக்கணக்குல சம்பளம் வாங்குறான், ஆனா நான் இன்னும் இதே இடத்துலதான் இருக்கேன். எனக்கு மட்டும் ஏன் இப்பிடி?"

இந்த மாதிரி, நம்ம ஒருத்தரோட (நண்பர், உறவினர், சமூகம்) நம்மளோட நிலைமையை ஒப்பிட்டுப் பார்த்து, நமக்கு ஒரு 'குறை' இருக்குன்னு நினைக்கிறதுதான் Relative Deprivation.

• முக்கியமான விஷயம்: இங்க நமக்கு நிஜமாவே ரொம்ப கஷ்டமான நிலைமை இருக்கணும்னு அவசியம் இல்லை. ஒருவேளை நீங்க நல்லாதான் இருக்கலாம் (நல்ல வேலை, வீடு இருக்கலாம்). ஆனா, நீங்க யாரை ஒப்பிட்டுப் பாக்குறீங்களோ, அவங்களை விட நீங்க 'கீழ' இருக்கீங்கன்னு நீங்க மனசுல நினைக்கிறீங்க.

சிலர் இதைப் பொறாமைனு நினைச்சுப்பாங்க. ஆனா Relative Deprivationனும், பொறாமையும் ஒன்னும் இல்ல மக்களே!

Relative Deprivation - 'எனக்குக் கிடைக்க வேண்டிய நியாயமான விஷயம் கிடைக்கலையே'னு சமூக அமைப்பின் மீதும், விதி மீதும் கோவப்படறது.

பொறாமை - 'அவனுக்கே அது இருக்கக் கூடாது, அது எனக்குதான் இருக்கணும்'னு அடுத்த நபர் மேல தனிப்பட்ட கோபத்தைக் காட்டுறது.

🤔 இதுக்கு சைக்காலஜிக்கல் காரணம் என்ன?

இந்த Relative Deprivation ஏன் வருதுன்னு பாத்தா, அதுக்கு பின்னாடி சில முக்கியமான உளவியல் காரணங்கள் (Psychological Reasons) இருக்கு:

1. 🔍 சமூக ஒப்பீடு (Social Comparison)

• காரணம்: மனுஷங்க இயல்பாவே மத்தவங்க எப்படி இருக்காங்கன்னு பார்த்து, அவங்க கூட நம்மளை ஒப்பிட்டுப் பார்ப்பாங்க. இதுக்கு பேருதான் Social Comparison Theory. 
  • மேல்நோக்கிய ஒப்பீடு (Upward Comparison): நம்மளை விட உயர்ந்த நிலையில் (பணக்காரர், திறமையானவர்) இருக்கிறவங்க கூட நம்மளை ஒப்பிடும்போது, நமக்கு இந்த தாழ்வுணர்வு வரும். "அவனைப் போல நாம இல்லையே"ன்னு தோணும்.

2. 🎯 எதிர்பார்ப்புகள் (Expectations)

• காரணம்: நமக்கு சில விஷயங்கள் கிடைக்க வேண்டியது இல்லன்னா கிடைக்கும்னு ஒரு எதிர்பார்ப்பு இருக்கும்.
  • உதாரணம்: "நான் இவ்வளவு கஷ்டப்பட்டு படிச்சிருக்கேன், அதனால எனக்கு கண்டிப்பா ஒரு பெரிய போஸ்ட்டிங் கிடைக்கணும்." ஆனா, எதிர்பார்த்தது கிடைக்காதப்போ, "எல்லாருக்கும் கிடைச்சிருச்சு, எனக்கு மட்டும் ஏன் கிடைக்கலை?"ன்னு கோபமும், கவலையும் வரும்.

3. ⚖️ நியாய உணர்வு (Sense of Justice/Fairness)

• காரணம்: எல்லாருக்கும் எல்லாம் நியாயமா கிடைக்கணும்னு நம்ம மனசுல ஒரு எண்ணம் இருக்கும்.
  • "அவன் ஒழுங்கா வேலை செய்யவே மாட்டான், அவனுக்கு மட்டும் ஏன் பதவி உயர்வு கொடுத்தாங்க? இது அநியாயம்!" – இந்த மாதிரி, தனக்குக் கிடைக்காததுக்குக் காரணம் நியாயம் இல்லாததுதான்-னு நினைச்சா, தாழ்வுணர்வு அதிகமாயிடும்.

🚫 இதை எப்பிடி எல்லம அவாய்ட் பண்னலாம் (தவிர்க்கலாம்)?

இந்த உணர்வை நம்மளால மொத்தமா தடுக்க முடியாவிட்டாலும், அதோட பாதிப்பைக் குறைக்க சில வழிகள் இருக்கு:

1. ஒப்பிடுறதை மாத்துங்க (Change the Comparison)

• கீழ்நோக்கிய ஒப்பீடு (Downward Comparison): உங்களை விட கீழ்நிலையில் இருக்கிறவங்களையோ (உதாரணத்துக்கு, இன்னும் கஷ்டப்பட்டு போராடிட்டு இருக்கிறவங்களையோ), இல்லன்னா நீங்க இதுவரைக்கும் வந்த பாதையையோ ஒப்பிட்டுப் பாருங்க. 
  • பயன்: "ஐயோ, ஒரு காலத்துல என் நிலைமை இதைவிட மோசமா இருந்துச்சு. இப்போ பரவால்லையே"ன்னு ஒரு திருப்தி வரும்.

2. நன்றியுணர்வு வளர்த்துக்கோங்க (Practice Gratitude)

• செய்முறை: தினமும், உங்ககிட்ட இப்போதைக்கு இருக்கிற நல்ல விஷயங்களை (ஆரோக்கியம், குடும்பம், நல்ல நண்பர்கள்) ஒரு லிஸ்ட் போடுங்க இல்லன்னா மனசுல நினைச்சுப் பாருங்க.
  • பயன்: இது உங்க கவனத்தை இல்லாததை விட்டுட்டு, இருக்கிற விஷயங்கள் மேல திருப்பி, மனசுக்கு நிம்மதி கொடுக்கும்.

3. தனிப்பட்ட இலக்குகளை வெச்சுக்கோங்க (Focus on Personal Goals)

• செய்முறை: மத்தவங்க எங்கே போறாங்கன்னு பார்க்காம, உங்களுக்கான இலக்குகளை, உங்க வேகத்துல அடைய முயற்சி பண்ணுங்க. உங்க வெற்றிக்கு அளவுகோல் நீங்க மட்டும்தான்.
  • பயன்: மத்தவங்களோட ஓட்டப்பந்தயத்துல இருந்து வெளிய வந்து, உங்க வாழ்க்கைப் பாதையில கவனம் செலுத்த முடியும்.

4. மத்தவங்களோட போராட்டத்தைப் புரிஞ்சுக்கோங்க (Understand Others' Struggles)

• புரிதல்: சமூக ஊடகங்கள் (Social Media) பெரும்பாலும் ஒருத்தரோட வெற்றியை மட்டும்தான் காட்டும். ஆனா, அவங்க அதுக்காகப் பட்ட கஷ்டம், அவங்களுக்கே உரிய சிக்கல்கள், தோல்விகள் பத்தி நமக்குத் தெரியாது.
  • பயன்: எல்லா வாழ்க்கையிலும் கஷ்டம் இருக்குன்னு தெரிஞ்சா, "அவங்களுக்கு மட்டும் எல்லாம் ஈஸியா கிடைச்சிருச்சு"ன்னு நினைக்கிற எண்ணம் குறையும்.

இந்த விஷயங்களை நீங்க ஃபாலோ பண்ணா, Relative Deprivation-னால வர்ற மன அழுத்தமும், கவலையும் ரொம்பக் கம்மியாகும்! இன்னொரு பாயிண்ட் – சமுதாயம் திறமைச்சாலிகளை விட திறமைசாலிகள் போல காட்டிக்குறவங்களை கொண்டாடுறப்ப Relative Deprivation மனநிலையில தான் திறமைசாலிகள் உலவுவாங்க. உங்கள்ல யாரும் இந்த Relative Deprivation ஸ்டேஜ்ல இருந்திருக்கிங்களா? இருந்தா உங்க அனுபவத்தை இங்க பகிர்ந்துக்கோங்க.

அடுத்த வாரம் வேற ஒரு இண்ட்ரெஸ்டிங் டாபிக்கோட வர்றேன் மக்களே! குட் நைட்!

 

Share your Reaction