ஹலோ மக்களே!

இருதயப்பூவில் கண்டேன் - இந்தக் கதைக்கு நான் நம்ம ஃபேஸ்புக் குரூப்ல மார்ச் மாதம் ஒரு டீசர் போட்டிருந்தேன். ஞாபகம் வச்சிருக்கிங்களானு தெரியல. ஆன்லைனில் வெளிவராத இந்தக் கதை ராணிமுத்துவில் செப்டம்பர் 1ல் வெளிவரப்போகுது. விலை ரூ.10/- வாங்க வாய்ப்புள்ளவர்கள் கடைகளில் வாங்கி படித்து உங்க கருத்துகளைப் பகிர்ந்துக்கோங்க. தளத்தில் இந்தக் கதை இன்னும் இரண்டு வருடங்களுக்கு வருவதற்கான வாய்ப்பு குறைவு. அதனால புத்தகமா வாங்கி படிக்க முடிஞ்சவங்க படிக்கலாம். கதைல இருந்து சின்னதாக ஒரு காட்சி!

❤️ ❤️ ❤️ ❤️ ❤️ 

“வாவ்! ரொம்ப அழகா இருக்கு பவி” கண்களில் ஆச்சரியம் கொட்டி அதைக் கேமராவில் வீடியோவாக்கினான் ஆதித்யன்.

“இங்கயே டைம் வேஸ்ட் பண்ணப்போறிங்களா? அருவிக்கரை பாக்க இதை விட அழகா இருக்கும்” என அவர்களுக்கு ஆசை காட்டினாள் நந்தினி.

“அப்ப உடனே கிளம்பலாம்”

மீண்டும் நடக்க ஆரம்பித்தார்கள்.

சுற்றுலாப்பயணிகள் ஆங்காங்கே நடந்து சென்று கொண்டிருந்தார்கள். காட்டுப்பாதை தான் என்பதால் இரு பக்கமும் விருட்சங்கள், புற்கள், காட்டுச்செடிகள் கட்டுப்பாடில்லாமல் வளர்ந்து வஞ்சனையில்லாமல் அந்தப் பாதையை அழகாக்கியிருந்தன.

“இதுதான் தொட்டாச்சிணுங்கி”

இளம்ரோஜாவண்ணத்தில் பஞ்சு போன்ற மலர்களுடன் படர்ந்திருந்த தொட்டாச்சிணுங்கியின் இலைகளைத் தொட்டுக் காட்டினாள் நந்தினி.

ஆதித்யனின் விழிகள் சுருங்கிய தொட்டாச்சிணுங்கி இலைகளை விடுத்து நந்தினியின் விரல்களிலிருந்த மருதாணிச்சிவப்பில் படிந்தன.

பவித்ரா மற்ற இருவருடனும் வாயாடியபடி முன்னே செல்ல ஆதித்யன் நந்தினியிடம் பேச்சு கொடுத்தான்.

“அந்தப் பக்கம் போனா ஒரு தோட்டம் உண்டு. அங்க நிறைய மிளகு கொடி படர்ந்திருக்கும்” என்று பக்கவாட்டில் கை காட்டிச் சொன்னவளிடம்

“உனக்கு மருதாணி வைக்கப் பிடிக்குமா?” என்று சம்பந்தமில்லாமல் கேட்டு வைத்தான் அவன்.

“திடீர்னு ஏன் இந்தக் கேள்வி?”

“உன் விரலுக்கு அந்த மருதாணி அழகா இருக்கு. தெரிஞ்சிக்கலாமேனு கேட்டேன்.”

தோள்களைக் குலுக்கியவன் “எனக்கு மருதாணியோட நறுமணம் ரொம்ப பிடிக்கும்” என்றான் கண்களில் ஆர்வத்தோடு.

❤️❤️❤️❤️❤️

ஆதித்யனும் நந்தினியும் நிச்சயம் உங்களை மெஸ்மரைஸ் பண்ணுவாங்க. மறந்துடாதிங்க - செப்டம்பர் 1 ராணி முத்துவில் 'இருதயப்பூவில் கண்டேன்' நாவலை வாங்குறதுக்கு!

 

Share your Reaction