ஹலோ மக்களே!

விழிகளில் ஒரு பவனில வந்த தோரணமலை முருகன் கோயிலைப் பத்திதான் இன்னைக்குப் பார்க்கப்போறோம். இந்த கோவில் வெறும் கோவில் மட்டும் இல்லை, இது ஒரு சித்தர்கள் வாழ்ந்த புண்ணிய பூமி. இங்கே முருகப்பெருமான், அகத்தியர், தேரையர் சித்தர் இவங்களோட அருளையும் ஒரு சேர பெறலாம்.

கோவிலோட வரலாறு

இந்த மலை, படுத்திருக்கற யானை மாதிரி தெரியறதால, முதல்ல இதுக்கு வாரணமலைன்னு பேரு இருந்துச்சு. அப்புறம் அதுவே மருவி தோரணமலைன்னு ஆயிடுச்சு. புராண காலத்துல, சிவபெருமானோட கல்யாணத்துக்கு எல்லா தேவர்களும் வடதிசைல கூடினதால, உலகம் சமநிலை இல்லாம போச்சு. அப்போ அகத்திய முனிவரை தென்திசைக்கு அனுப்பி வச்சார் சிவபெருமான். அப்படி வர்றப்போ, அகத்தியர் இந்த மலையோட அழகைப் பார்த்து இங்கேயே தங்கிட்டார்.

அப்புறம், முருகனோட வழிகாட்டுதலோட, இங்கே மூலிகை ஆராய்ச்சிகள் செஞ்சு, பல சீடர்களுக்கு பாடம் சொல்லிக் கொடுத்திருக்கார். அதனால, இந்த மலை ஒருகாலத்துல மிகப்பெரிய மருத்துவ பாடசாலையா இருந்துருக்கு. அகத்தியரோட முக்கியமான சீடர் ஒருத்தர், மன்னனோட தலையில இருந்த தேரையை வெளியே எடுத்ததால, அவருக்கு தேரையர்ன்னு பேரு வந்துச்சு. அவரோட ஜீவசமாதியும் இங்கதான் இருக்கு. அதனாலதான், இங்கே வந்து வழிபடுறவங்களுக்கு நோய்கள் எல்லாம் தீர்ந்து போகுதுன்னு சொல்றாங்க.

இந்தக் கோவில்ல சித்தர்கள் மருந்து அரைச்ச இடமும் இருக்கு.

கோவிலோட சிறப்புகள்

• இந்த கோவில்ல முருகப்பெருமான் ஒரு இயற்கையான குகைக்குள்ள கிழக்கு பார்த்து அருள்பாலிக்கறார். திருச்செந்தூர் முருகனைப் பார்த்தபடி இருக்கறதால, இங்க கும்பிட்டா திருச்செந்தூர் போன புண்ணியம் கிடைக்கும்னு சொல்றாங்க.
• தோரணமலை வற்றாத சுனைகள் இருக்கு. இந்த சுனைத் தண்ணியாலதான் முருகனுக்கு தினமும் அபிஷேகம் செய்றாங்க. இந்த தண்ணிய குடிச்சா நோய்கள் எல்லாம் குணமாகுதுன்னு பக்தர்கள் நம்பறாங்க.
• மலையேற முடியாதவங்களுக்காக, மலை அடிவாரத்துல வல்லப விநாயகர், பாலமுருகன், சப்த கன்னியர், குருபகவான் சன்னிதிகள் இருக்கு.
• மலையில 1193 படிகள் இருக்கு. ஒவ்வொரு படி ஏறி போகும்போது மனசுல இருக்கற கஷ்டங்கள் எல்லாம் படிப்படியா குறையற மாதிரி இருக்கும். படி ஏறி போறவங்களுக்கு ஆறு இடத்துல மண்டபங்கள் இருக்கு. அங்க கொஞ்சம் நின்னு இளைப்பாறிட்டு போகலாம்.

எப்படி போகலாம்

இந்த கோவில் தென்காசி மாவட்டம் கடையம் பக்கத்துல இருக்கு. திருநெல்வேலியில இருந்து சுமார் 56 கி.மீ தூரத்துல இருக்கு. அங்கிருந்து கடையத்துக்கு பேருந்துல போய், அப்புறம் கோவில் இருக்குற இடத்துக்கு ஆட்டோவோ, டாக்ஸியோ பிடிச்சு போகலாம்.

மலைக்கோவில் திறந்திருக்கும் நேரம் அதிகாலை 5 மணியில இருந்து மதியம் 3 மணி வரைக்கும் மட்டும்தான். அதனால, நேரத்தோட போறது ரொம்ப நல்லது. பௌர்ணமி அன்னைக்கு கிரிவலம் வரவும் இங்க ஆயிரக்கணக்குல பக்தர்கள் வருவாங்க. தென்காசி, குற்றாலம் போனிங்கனா கட்டாயம் முருகனை ஒரு தடவை தரிசிச்சிட்டு வாங்க.

 

Share your Reaction