ஹலோ மக்களே! அறிவோம் ஆன்மீகம் பகுதில கழுகுமலையில இருக்குற வெட்டுவான் கோயில் பத்தி இன்னைக்குப் பாக்கலாமா?

கழுகுமலை தூத்துக்குடி மாவட்டத்துல இருக்குற ஊர். இங்க இருக்குற வெட்டுவான்கோவில் 8-ம் நூற்றாண்டுல கட்டப்பட்ட, முழுமையடையாத ஒரு சிவன் கோயில். இது ஒரே பாறையில செதுக்கப்பட்ட கோயில். பாண்டியர்கள் காலத்துல, மலையோட உச்சிப் பகுதியில இருந்து செதுக்க ஆரம்பிச்சு, கீழ்ப் பகுதி வரைக்கும் வந்திருக்காங்க. தென்னிந்தியாவுல இப்படி மேல இருந்து கீழ செதுக்கப்பட்ட கோயில் ரொம்ப அரிது.

இந்தக் கோவில்ல பாண்டியர் கால சிற்பங்கள் நிறைய இருக்கு. சிவபெருமானோட உதவியாளர்களான பூதகணங்கள், மிருதங்கம் வாசிக்கிற தட்சிணாமூர்த்தி (வீணை வாசிக்கிற தட்சிணாமூர்த்தியைத் தான் எல்லா இடங்கள்லயும் பாக்க முடியுமாம்), மனைவி உமையோட சிவன், இன்னும் பல விலங்குகளோட சிலைகளும் இருக்கு. இந்தக் கோயில் இருக்கிற பாறை, தாமரை மலர் மாதிரி இருக்குமாம். இதைச் சுத்தி மூணு பக்கமும் மலைகள் இருக்கு.

கழுகுமலையில, இந்தக் கோயிலுக்குப் பக்கத்துலயே 8-ம் நூற்றாண்டைச் சேர்ந்த சமணப் படுகைகளும், கழுகாசலமூர்த்தி முருகன் கோயிலும் இருக்கு. சமணர் படுக்கையில மகாவீரர், பாகுபலி பார்சுவநாதர் மாதிரி 150 சமண தீர்த்தங்கரர்களோட சிற்பங்கள் இருக்கு.

வெட்டுவான் கோயிலோட கலைத்திறனை எல்லோரா, காஞ்சிபுரம் கைலாசநாதர் கோவில் மாதிரியான இந்தியாவின் மற்ற ஒற்றைப் பாறைக் கோயில்களோட ஒப்பிடுறாங்க. இது, சிற்பம் மற்றும் கட்டிடக்கலைல பாண்டியர்களோட திறமையைக் காட்டுது.

இந்தக் கோயில், தமிழ்நாடு தொல்லியல் துறையால பாதுகாக்கப்பட்டு வருது. இதோட கட்டிடக்கலை சிறப்பாலும், முழுமையடையாத நிலையாலும், இதை "தென்னிந்தியாவின் எல்லோரா"னு சொல்றாங்க. இது, ஆரம்பகால பாண்டிய மன்னர்களோட கட்டிடக்கலை மற்றும் சிற்பக்கலை திறமைக்கு ஒரு எடுத்துக்காட்டு.

தூத்துக்குடிக்கு வந்திங்கனா கழுகுமலை கோவில், சமணப்படுக்கைகளை மிஸ் பண்ணிடாதிங்க.

 

Share your Reaction