ஹலோ மக்களே! அடுத்து ஒரு ஊர் பத்தின தகவல்களோட வந்துட்டேன். என்னடா கேரளா சைட் ப்ளேசா வருதேனு நினைச்சிடாதிங்க. என் தம்பி போன ஊர்களோட டீடெய்ல் மட்டுமே வாங்கி நெட்ல கொஞ்சம் தேடிப் போடுறேன். பெங்களூர் போன அப்புறம் அந்தப் பக்கம் இருக்குற ஊர்களுக்கு விசிட் அடிச்சா அங்க உள்ள இடங்களைப் பத்தி இங்க போஸ்ட் பண்ணுறேன்.

இன்னைக்கு நம்ம பாக்கப்போற ஊர் பூவார்.

பூவார்ங்கிறது கேரளாவோட திருவனந்தபுரம் மாவட்டத்துல இருக்கிற ஒரு சின்ன கடலோர கிராமம். 

"பூவார்"ங்கிற பேரு எப்படி வந்துச்சுன்னா, "பூ" (மலர்) மற்றும் "ஆர்" (நதி) இந்த ரெண்டு மலையாள வார்த்தைகளையும் சேர்த்துதான் வந்திருக்கு. ஒரு தடவை மார்த்தாண்ட வர்மா மன்னர் இந்த வழியா போகும்போது, ஆற்றங்கரைகள்ல பூக்கள் மிதந்து வந்ததாம். அதனால அவர் இந்த இடத்துக்கு "பூவார்"னு பேர் வச்சாராம்.

முன்னாடி காலத்துல பூவார் ஒரு முக்கியமான வர்த்தகத் துறைமுகமா இருந்திருக்கு. இங்க இருந்து மசாலாப் பொருட்கள், யானைத் தந்தம், மரங்கள்லாம் வெளிநாடுகளுக்கு ஏற்றுமதி செஞ்சிருக்காங்க.

 பூவாரோட தனித்துவம் என்ன?

பூவாரோட பெரிய சிறப்பு என்னன்னா, இங்கதான் நெய்யாறு நதி, அரபிக்கடலோட கலக்குது. அதாவது, ஆறு கடலோட சேர்ற முகத்துவாரம் (Estuary) இங்க இருக்கு. அதனாலதான் இந்த இடம் ரொம்ப தனித்துவமா இருக்கு. ஒரு பக்கம் கடல், இன்னொரு பக்கம் ஆறு, நடுவுல மணல் திட்டுகள்னு பாக்கவே ரொம்ப அழகா இருக்கும்.

• அமைதியான கடற்கரை:

இங்க கடற்கரை கூட்டம் அதிகமா இல்லாம, ரொம்ப அமைதியா இருக்கும். சூரிய உதயத்தையும், அஸ்தமனத்தையும் பார்க்க சூப்பரான இடம்.

• உப்பங்கழிகள் (Backwaters):

கேரளாவோட உப்பங்கழிகள் உலகப் பிரபலம் இல்லையா? அதுல பூவார் உப்பங்கழிகள் ரொம்ப அமைதியாவும், சுத்தி பச்சை பசேல்னு மரங்களோடவும் இருக்கும். படகு சவாரி போக ரொம்ப அருமையா இருக்கும்.

• மிதக்கும் குடில்கள் (Floating Cottages):

இங்க சில ரிசார்ட்டுகள்ல தண்ணி மேலேயே சின்ன சின்ன ரூம்கள் கட்டி இருப்பாங்க. அதுல தங்குற அனுபவமே தனி. தண்ணில மிதக்குற மாதிரியே இருக்கும்.

• பறவைகள் சரணாலயம்:

பூவாரைச் சுத்தி நிறைய பறவைகளைப் பார்க்கலாம். பறவை ஆர்வலர்களுக்கு ரொம்ப பிடிக்கும். பல வகையான உள்நாட்டு, வெளிநாட்டுப் பறவைகள் இங்க வரும்.

• பசுமையான இயற்கை:

இந்த இடம் முழுக்க தென்னை மரங்களும், வாழைத் தோட்டங்களும், பலவிதமான பூக்களும், செடிகளும் நிறைஞ்சு ரொம்ப பசுமையா இருக்கும். ஒரு நிம்மதியான சூழலை தேடுபவர்களுக்கு இது ரொம்ப பொருத்தமான இடம்.

பூவார்ல என்னென்ன செய்யலாம்?

• படகு சவாரி (Boat Ride):

இதுதான் பூவார்ல முக்கியமான விஷயம். உப்பங்கழிகள்லயும், நதி கடலோட சேர்ற இடத்திலேயும் படகுல போய்ட்டு வரலாம். இயற்கையை ரசிக்கிறதோடு, பறவைகளையும் பார்க்கலாம்.

• ஆயுர்வேத சிகிச்சை:

கேரளாவோட ஆயுர்வேத சிகிச்சை ரொம்ப ஃபேமஸ். இங்க இருக்கிற ரிசார்ட்டுகள்ல ஆயுர்வேத மசாஜ்கள், சிகிச்சைகள் எடுத்து உடலை புத்துணர்ச்சி ஆக்கிக்கலாம்.

• கடற்கரையில பொழுதுபோக்கு:

அமைதியான கடற்கரையில சூரிய அஸ்தமனம் பார்க்கிறது, மணல்ல விளையாடுறதுன்னு ஜாலியா இருக்கலாம்.

பூவார்ங்கிறது நகரத்தோட பரபரப்பு இல்லாம, இயற்கையோட அமைதிய ரசிச்சு, கொஞ்சம் ஓய்வெடுக்க நினைக்கும் பயணிகளுக்கு ஒரு சூப்பரான இடம். கேரளாவுக்கு போறீங்கன்னா, கண்டிப்பா பூவாருக்கும் ஒரு விசிட் போடுங்க!

யாரெல்லாம் 'மரம் தேடும் மழைத்துளி' ரீரன் கதை  படிக்குறிங்க? 51வது எபிசோட்ல கதை முடியும். இப்ப 37 வரைக்கும் வந்தாச்சு. முடிஞ்சதும் லாகின் பண்ணுற ஆப்சன் வச்சிடுவேன். சோ இப்பவே படிக்க ஆரம்பிங்க. நன்றி! குட் நைட்!

 

Share your Reaction