நான் கதைல அடிக்கடி செங்கோட்டை அதை சுற்றியிருக்குற இலஞ்சி, வல்லம், குற்றாலம் பத்தி எழுதுறண்டு. நான் மிஸ் பண்ணுன ஒரு இடத்தைப் பத்தி இப்ப சொல்ல வந்திருக்கேன். செங்கோட்டைல இருந்து ஈசியா போயிட்டு வரக்கூடிய ஊரான தென்மலை பத்தி இன்னைக்குப் பாப்போமா?

தென்மலை - இந்தியாவுல முதன்முதலா ஆரம்பிச்ச சுற்றுச்சூழல் சுற்றுலா மையம் (Eco-Tourism Spot). அதாவது, இயற்கைக்கு எந்தப் பாதிப்பும் வராம, எல்லாத்தையும் திட்டமிட்டு செஞ்சிருக்காங்க.

அடர்ந்த காடுகளையும், மலை அருவிகளையும் எந்தப் பயமும் இல்லாம ஜாலியா ரசிக்கிற மாதிரி அழகா மாத்தி வச்சிருக்காங்க.

தமிழ்நாட்டுக்கு ரொம்பவே பக்கத்துல இருக்கு இந்த இடம். தென்காசி மாவட்டம், செங்கோட்டையிலிருந்து கிளம்பினா போதும், வெறும் அரை மணி நேரத்துலயே இங்க போயிடலாம். செங்கோட்டைல இருந்து பஸ்சும் உண்டு.

செங்கோட்டைக்கும் கொல்லத்துக்கும் போற ரயில் பாதைல, ஒரு பெரிய 13 கண் மதகுப் பாலம் இருக்கும் பாத்திருக்கிங்களா? படத்துல வரும் அந்தப் பாலம், அந்தப் பாலம் தென்மலை பக்கத்துலதான் இருக்கு. அது சும்மா சாதாரண பாலம் இல்ல, 108 வருஷம் பழமையானது!

தென்மலையில சுத்திப் பாக்க தகுந்த இடங்கள்:

பாலருவி நீர்வீழ்ச்சி: தென்மலைக்கு பக்கத்துல இருக்குற ஒரு அழகான நீர்வீழ்ச்சி இது. குற்றால அருவி மாதிரி, இங்கயும் நிறைய பேர் குளிக்க வருவாங்க. அடர்ந்த காட்டுக்குள்ள அமைஞ்சிருக்க

செந்தூருணி வனவிலங்கு சரணாலயம்: இது தென்மலையை ஒட்டி இருக்குற ஒரு பெரிய வனவிலங்கு சரணாலயம். இங்கயும் ட்ரெக்கிங் போகலாம், காட்டு விலங்குகளைப் பார்க்கும் வாய்ப்பும் கிடைக்கும்.

போட்டிங்: தென்மலை அணைக்கட்டுல படகு சவாரி போறது ஒரு தனி அனுபவம். சுத்தி மலைகளும், அடர்ந்த காடுகளும் இருக்கும். அமைதியா தண்ணில மிதந்து போறது மனசுக்கு ரொம்ப இதமா இருக்கும்.

தென்மலை அணை: கல்லடா ஆத்துக்கு மேல கட்டப்பட்ட இந்த அணைதான் தென்மலையோட முக்கியமான அம்சம். அணையும் அதை சுத்தி இருக்குற இயற்கை காட்சிகளும் சூப்பரா இருக்கும்.

மியூசிக்கல் ஃபவுண்டன் (Musical Fountain): ராத்திரி நேரத்துல வண்ண விளக்குகளோட, மியூசிக் போட்டு தண்ணி மேலெழும்பி டான்ஸ் ஆடும். பாக்க ரொம்ப அழகா இருக்கும்.

தென்மலைக்கு எப்ப போகலாம்?

தென்மலைக்கு போறதுக்கு அக்டோபர் மாசத்துல இருந்து பிப்ரவரி மாசம் வரைக்கும் ரொம்ப நல்லா இருக்கும். இந்த நேரத்துல வானிலை இதமா இருக்கும். வெயிலும் அதிகமா இருக்காது.

முடிஞ்சா, செங்கோட்டை, குற்றாலம், தென்மலைன்னு இந்த மூணு இடத்தையும் ஒன்னா சேர்த்து பிளான் பண்ணி போயிட்டு வாங்க. செங்கோட்டையிலிருந்து 29 கிலோமீட்டர் தூரத்துலதான் தென்மலை இருக்கு. ட்ரிப் சூப்பரா இருக்கும்!

சென்னையில இருந்து போறவங்க, பொதிகை எக்ஸ்பிரஸ்ல ஏறி தென்காசிக்கு போயிட்டு, அங்க இருந்து செங்கோட்டை வழியா தென்மலைக்கு ஈஸியா போயிடலாம்.

காரோ இல்ல வண்டிலயோ போறிங்கனா, செங்கோட்டையிலிருந்து கொல்லம் போற ரோட்ல போனா போதும், தென்மலை வந்துரும். வழி ரொம்ப ஈஸிதான்!

 

Share your Reaction